ايمان بكرى

10/06/2010 نظرية الاستعباط شاءت الظروف ان اتواجد في الفترة الماضية في رحلة خارج مصر الرحلة الاولي كانت الي دولة عربية شقيقة وكانت  رحلة عمل والثانية جاءت تلبية لنداء الروح لأداء العمرة عشت أجواء صاخبة في الاولي وذبت في ذاتي وسموت بروحي واغتسلت من ضوضاء الحياة في الرحلة الثانية وعدت الي ارض مصر الغالية وانا اختزن بعض التعليقات التي ربتت علي روحي احياناً وأدمتها احياناً اخري كلمات جاءت علي ألسنة البسطاء بعفوية وتلقائية محببة لا تخلو من خفة الظل المصرية بالرغم ما فيها من مرارة قد تصل الي حد الإدماء الروحي وسأترك لك عزيزي القارئ الانطباع الذي تراه وبدون تدخل من كاتبة السطور او تعليق او حتي المناسبة التي قيلت فيها فالمساحة المسموحة قد  تقف عائقاً امام الاسترسال. > مصر أخبارها إيه؟ >> زي أهرامها جاثمة مستقرة صامتة عجيبة وبقت فرجة. > العلبة دي مكتوب عليها صنع في؟ >> شوف ياعم لو مكتوب عليها اسم اي بلد تبقي مضمونة المهم ماتكنش صنع في مصر!!. > وياتري انتم هنا مبسوطين؟ >> ولا مبسوطين ولا زفت بس عايشين هنا بيمصوا دمنا وبيخلصوا فلوسنا قبل ما تفكر تحولها يعني بيأجروا لنا الهواء والارض وبيحاسبونا علي المتر اللي واقفين فيه يعني نظام استعباد بس هنعمل إيه؟. > ياتري المصري بيثبت نفسه ولسه محتفظ بتفوقه علي باقي الجنسيات؟ >> طبعاً أحسن واحد بيشتغل بحرفية سواء في مجالي التدريس والطب أجمد من كل الجنسيات. > مارحتش السفارة بتاعتنا ليه؟ >> سفارة مين وهيه اساساً لمين دي السفارة بتعاملنا كأننا شحاتين نقف علي الرصيف بالساعات ولا حد بيعبرنا كأننا كلاب ولا نسوي، بس لوجه فنان ولا رقاصة او حتي لاعب كرة يجروا يستقبلوه ويتلموا حواليه علشان يتصوروا ويعملون شغل ياعم قول ياباسط. >> قلت كتير بس والله ماحد رد علي ولا حد عارف راح فين سي باسط ده. > وانت.. بقالك قد إيه ما نزلتش مصر؟ >> لأ كنت فيها قريب من أربع سنين تقريباً بس مع مراتي وأولادي وأمي علي التليفون علي طول!! انا بقي لم أحس بالحياة إلا في الاسبوعين اللي بنزلهم غير كده فانا في مهمة انتحارية ومش عارف حتنتهي إمتي. > الناس هنا بتحترم القانون والنظام والمرور بعض حاجة في منتهي السخف والبواخة «يرد الاخر» ياعم دول بيستعبطوا!! > الناس هنا بتعايرنا بالبرامج الفضائية والمصائب التي بيقولها عن مصر وناسها واللي بيحصل فيها وما بنعرفش نرد عليهم والنبي  يااستاذة تخليهم يرحمونا شوية مش كدة حرام كفاية بقي واشمعني البلاد التانية لا يمكن ينشروا غسيلهم الوسخ زي ما احنا بنعمل كدة مع ان عندهم بلاوي ومسخرة وفقر وقرف وماحدش بينطق ولا يقدر أساساً ولو اتكلمنا يقولولنا دي حرية هيه يعني الحرية معناها التركيز علي كل المساوئ يعني مصر خلاص بقت عبارة عن شحاتين ومعفنيين وحرامية وقتالين قتلة ما بقاش في مصر حد نضيف وعنده ضمير هو فيه ايه ياعالم. > انا بصراحة لبست النقاب علشان شمس البارودي جت هنا وقابلتها وقالت لي إلبسي النقاب بس عموماً مش مشكلة أقلعه علشان خاطرك!! > ولادي خلاص بقي شكلهم خليجي وبيتكلموا لهجة اهل البلد دي لدرجة ان ماحدش بيصدق انهم مصريون ورافضين يرجعوا مصر وبصراحة عندهم حق اتولدوا هنا واتربوا هنا ومايعرفوش حاجة ولا حد في مصر. > قومي ياحرمة أنت وهيه الصلاة هنا ممنوعة روحوا مع مكان الحريم هنا.. ا..ا  ورا خا..ا..لص. > قول لامراتك التي تطوف بجوارك ان ترتدي النقاب فهو فرض واجب والا كانت عاصية. > هيه الناس دي ما بتحسش مش عارفة يعني ان الناس كرهتهم وقرفت منهم ومش طيقاهم ما يروحوا في داهية عايزين ايه تاني بعد ما  خربوها. > عايزين يعيدوا الاعمار يامغفل واهو كله من دقنه في وافتله يعني الحساب علي صاحب المحل اللي هوه احنا!!.

ع المحور رايح جاي رسالة من المواطنة «أ.ب» سلم لي علي التروماي من زاوية الضوء الفزع الأكبر قادم معالي الوزير... إيه اللي بتهببه ده؟ جميل أنت يا وطني مسلسل الموسم «هارب من الأحكام» داحس والغبراء من غير زعل

الاخير التالي السابق الاول